Khampat Khua SAC Sakhan Kahdohnak Ah Khuachung Mi Pakhat A Nunnak A Liam
Salai Mangpau | July 23, 2023 – Nizaan July 22 zaan suimilam 8:00pm ah Khampat No. 1 um mi SAC ralkap sakhan cu Tamu peng ummi hriamtlai phu dihlak fonh nih an kah hna, cu Kahdohnak ah tualchung mi pakhat a thi i, CNDF in pakhat hliamtuar a tuar tiah theih a si.
Khampat ralhrang sakhan kahnak ah ralhrang nih hriamngan an kah caah Khampat No. 1 RC biakinn pawng ummi, Pu Nga Nga fapa hniang bik cu bomb nih a khen caah a nunnak a liam. SAC ralkap lei a thi le hliamtuar kong theih khawh a si rih lo.
Khampat Khua Sining
Sagaing ramthen, Tamu pengkonh, Khampat peng ummi hna cu, 2014 Myanmar census langhter ning ah, Khampat pengchung milu diklak 38,728 ah pa milu 19,008 le nu milu 19,720 an um. Khampat khuachung ummi ah sang (Ward) pa 5 an um.
Mah hna cu Khampat ah No.1 Ward, No.2 Ward. No.3 Ward. No.4. Ward. No.5.Ward tiah then an si.
Hi Khampat khua cu sang (ward) pa 5 ah then a si. Sang No. 1 ah Tedim (Zo) lei deuh an um i inn 200 hrawng an si. No 2, sang cu Mizo le Falam an i cawh i inn 900 hrawng an si. No 3, sang ahhin Thado miphun an um i inn 100 hrawng an si. No 4, sang cu Hakha-Thantlang lei an si i inn 700 leng an si.
No. 5 sang ah Hakha miphun le cozah zung aumnak a si i miphun tling cawh in an um. Chinrawn um Hakha holh a hmangmi hna lakah Khampat khua cu inn le milu an tam cemnak a si caah Chinram milu tambik nak ah 1.nak Hakha,2.nak Thanglang an rak si i hnu cun 3.nak Khampat peng a si ko.#
About The Author
