Telenor Nih Chin Miphun Ni Caah Sung Tin Par Le R Zar Ni Telh In Kawlram Hlasak Thiam Minung Pali An Sawm Hna

City Hunter| 2018 February 3| Hakha ah tuahdingmi avoi 70nak Chin Miphun Ni caah Telenor phone lei company nih Sung Tin Par le R Zar Ni telh in Kawlram hlasak thiam minthang minung pali an sawm hna tiah kan theih.

Hi kong he pehtlai in Telenor phone company in Chin ramkulh Cluster Head Thomas nih, “Tukum ah Hakha ah tuahdingmi Chin Miphun Ni ahhin mi an tam bik lai caah Telenor 4G a ngahmi hunnak le zapi sin theihter, chimphuannak tuah kan duh ve. Cucaah, Chin Miphun Ni ah Telenor 4G a ngahmi hunnak lawmhpinak caah Kawlram hlasak thiam minthang pali cu kanmah Telenor company nih hlanpiak ding in Chinram cozah he hnatlaknak kan ngei. Cu ruangah Kawlram hlasak thiam minthang a simi Sung Tin Par, R. Zar Ni, Phyo Phyo Kyaw Thein le Tin Zar Maw cu Hakha Chin Miphun Ni ah hlasak ding in kan sawm hna. An rak tlun khawh ding le tlun khawh lo ding hi zeihmanh bia an kan fianh rih lo” tiah The Chinland Post ah a chim.

Tukum Chin Miphun Ni sunhsaknak le show tuahnak kong he pehtlai in cozah lei nih tuanvo an pekmi Chin hlasak thiam P. Cung Lian Thawng nih atu bantuk in The Chinland Post ah a chim.

“Tukum Chin Miphun caah cozah lei nih budget ks. sing 200 an kan chiahpiakmi he aa rup in ringawn tumtu ding ah Doron band (Mang Za Kam te phu) kan hlan i anmah lei zong nih eh an kan tlaih cang. Cun, Chin hlasak thiam Tun Kham, David Lai le Thawng Za Hnem Sung zong kan sawm hna. Anmah pathum pin ah Hakha, Thantlang le Falam in hlasak thiam minthang minung 6 hrawng zong kan sawm chap rih hna lai” tiah P. Cung Lian Thawng nih The Chinland Post ah a chim.

Hika ah David Lai, Tun Kham le Thawng Za Hnem Sung an sawm hna nak kong hun rel chap.

http://thechinlandpost.info/hakha-chin-miphun-ni-caah-hlasak-thiam-david-lai-tun-kham-le-thawng-za-hnem-sung-an-sawm-hna/

Leave a Commnet

%d bloggers like this: