Kim Jong Un He Tonnak An Ngeih Hnuah President Trump Le VOA Tonbiaruahnak

TCP-Online| 2018 June 12|  President Trump le N.Korea ram hruaitu Kim Jong Un hna an pahnih in tonnak an ngeih hnuah President Trump cu VOA thawnglatu Greta Van Susteren nih a dangte in tonbiaruahnak a ngeih i a tanglei bangin kan vun langhter.

Van Susteran : Kim Jong Un he pehtlaiin zeidah na khuaruah a harnak?
Trump : Duh a nung ngaimi pa a si. Nuam tein um a duhmi pa, a fim takmi a si. A hlei in biaruah zong a thiam ngai. A ram minung pawl zong a dawt ko hna. Kan i ton bakin khuaruahhar lonh tiang hnatlaknak zong kan ngeihti kho. Kan i ton ka ah a bikin kan i ruahmi cu Nuclear hriamnaam a zornak ding kong a si. Mah kong hi cu ton kaa bakin kan i ruah colh. Cun, a dang kan i ruahmi cu ral lioah N.Korea ram i a rak thimi US ralkap pawl an ruak laknak ding kong zong kan i ruah. US mipi tampi nih mah kong hi kan sinah catial in an ka halmi zong a si, an chungkhat le an unau/nupi/fale nih an pa le ruak lak an duhnak kong an ka hal len. Mah zong hi Kim zong a hna a tla ve.

 

Van Susteran : Tuni nan i tonnak ah nuhrin covo kong hna nan i ruah maw? Zeitindah an leh mah kong hin teh?
Trump : Tuni kan biaruahmi 90% cu Nuclear hriamnaam hrawh ding kong hi a si. Cun, a dang kong tete zong cu kan i ruah ve. Nuhrin covo kong zong kan i ruah ko. Nuclear hriamnaam kong dih in kan i ruah cemmi cu US ralkap pawl an ruak lak ding kong hi a si. Mah pawlhi hnatlaknak kan tuahmi cu a si.

Van Susteren : Hnatlaknak nan ngeihmi phen lei hin teh Kim nih hin a dang hal chapmi hna an ngei maw?
Trump : A ngei lo. Ramleng Minister Mike Pompeo tel in keimah ka kut tangmi hna he hin thla thum deng biaruahnak zong kan rak ngei cia cang. Cuti caan lakin ceihhmainak hna kan ngeih hnuah atu bantuk in pumpak hna in kan i ton khawh zong a si. Keimah lei zong in it lo in sml. 25 chung caan lakin kai tim lam ve. Mah nih hin result tha ngai a chauhpi ve. Minung ting thong renglo an thih cang nak ral zong dai cang dingin hnatlaknak kan ngei kho.

 

Van Susteren : US ralkap thazaang tampi S.Korea i na chiahmi kongah teh zeitindah bia nan i ruah?
Trump : An um rih ko lai. Mah kong hi cu kan i ruah lo. Nain, tangkaa tampi dih in kan ralkap pawl timhlamhnak kan rak ngeih tawnmi cu kan tuah ve ti lai lo.

Van Susteren : Tutan nan biaruahmi dih hin Kim nih teh zeibantuk hna a ruah te lai ti na ruat maw?
Trump : Amah lei in keimah hi a lung ka tling ko lai ti ka ruat. Kei zong nih Kim hi ka lung a ka tlinh ngai. Kan rak i ton hlan cun sual tak ding phun in ka rak hmuhmi kha tu ahcun mifim pa mitha pa tiin ka hmuh. A ram mipi zong a dawt hna. Amah zong thatnak lei a duhmi pa a si.

NORTHKOREA-USA/

Van Susteren : Nain, a nih cu a ram mipi pawl harsatnak a petu pa a si lo maw?
Trump : Kan hmuh bantuk in a luancia i a rak tuahmi pawl kha a si ko. Sinain, nizan, tuni le a luancia zarh hrawng i thil a cang ning bang in rian kan tuan a hau ko. Van chap ka duh rihmi cu kanmah pahnih hi a lang in i sik le i hro tibantuk, cun, dan i tatnak pawl hna rak um hna hlah sehlaw tubantuk dirhmun hi kan phan kho lai lo. Ram khat le khat dan kan rak i tatnak a biapit bang in mah pawl hi tu tiang zong kan kal rih ko lai. Nuclear hriamnaam hrawhnak kong rian a tuan hlan chung paoh cu dantatnak pawl hi kan phoih ve rih lai lo.

Van Susteren : VOA kan thawngpang hi N.Korea mipi nih an ngeih ve lai si kaw, N.Korea mipi sin biacah na duhmi?
Trump : Nan hrangah thawngpang tha tuk a si tiah ka ruah. Kim hi nanmah pawl caah thil tha tuah a duhtu a si ko. Kan biaruah zong a tlam a tling ngai ko. Hmaitonh in bia kan i ruahti khawh cang caah hmailei zong thil tha tampi kan i ruah kho te rih ko lai. Caah, N.Korea mipi caah a tha tukmi thawngpang a si ko ti kei nih cun ka ruah.

Ref; VOA

Na ruahning rak langhter ve.. (Leave a comment)

%d bloggers like this: