May 24, 2024

President Moon Jae-in; Trump Le Kim Biahrenmi Nih Ral Buainak A Dihter Cang Lai

0

City Hunter| 2018 June 13| South Korea President Moon Jae-in nih American President Donald Trump le North Korea hruaitu Kim Jong-un tonbiaruahnak result a conglawmh i a donghnak bik a taangmi ral kongkau buainak a dihter dingmi tuanbia roling pakhat a si tiah a chim.

“Lunglawmte in ka conglawmh. North Korea le American a hlawhtlingmi tuanbia roling tonbiaruahnak ka don. June 12, Sansato hnatlaknak biahren hi roling tuanbia record ah a lut ko lai. Hi hnatlaknak biahren hi vawleicung ah a donghnak bik a taangmi ral buainak ro hnon (hrawh)nak caah bawmchant a si” tiah South Korea President Moon Jae-in nih a chim.

President Moon Jae-in cu ral buainak chung i aa ralchanhmi North Korea le American tuanbia roling lut tonbiaruahnak a tlamtlinnak ding tawlreltu ah a biapimi dirhmun in aa telmi a si.

“Trump le Kim tonbiaruahnak in hnatlaknak biahren an ngeihmi hrambunh i hmainor khawhnak ding ah lamthluan thar ka zawh lai. Ral i tuknak le buainak hna i muihnak ni pawl hnu kaltak in remdaihnak he i fonhkomhnak lamthar cu kar kan hlanpi khawh ko lai. Hika zawn ah kanmah le North Korea i bawm in kan tuanchuah lai” tiah Moon Jae-in nih a chim.

“Amahbelte, June 12 tuanbia roling tonbiaruahnak le hnatlaknak biahren hi rian aa thawknak lawng a si kong le harnak tampi hmailei ah ton rih khawh a si. Kannih cu hnu kan kherh lai lo. Hi khuallam hi a sungh kan pe lai lo. Tuanbia timi cu hmuitinh pakhat tuanchuah i zuamcawhnak a pah chihmi hna record pakhat a si” tiah a chimchih.

President Moon Jae-in le North Korea hruaitu Kim Jong-un cu April 27 ah a sang bikmi tuanbia roling tonbiaruahnak an ngei kho. Cu hnu ah Kim Jong-un le American President Donald Trump zong atu bantuk in a sang bikmi tuanbia roling tonbiaruahnak an ngeih hi a si.

May thla donghlei ah Kim le Trump tonbiaruahnak ngeih dingmi program a rawk ding dirhmun tiang a phak tikah Moon Jae-in nih North Korea ramri lonh in a kal i Kim Jong-un he chawnhbiak ceihmainak a va tuah khawh tiah theih a si.
Ref: Duwun

About The Author

Na ruahning rak langhter ve.. (Leave a comment)

%d bloggers like this: