Kim Jong-un; Ka Ram Sipuazi Thanchoternak Ding Singapore Sin In Ka Cawn Lai

0

City Hunter| 2018 June 12| North Korea hruaitu Kim Jong-un nih ka ram sipuazi thanchoternak ding zeitindah ka tuah lai timi cu Singapore ram sin in cawn ka duh a ti tiah North Korea rampi ngeihmi media KCNA nih June 12 ah a thanh.

June 11 ah Singapore ram a that biknak le aa dawhbiknak hmun pawl a va zohtu Kim Jong-un nih, “Singapore cu a thianghlim, aa dawh, inn (building) sakmi kip an i dawh tuk, an sakning tiang in an style tuk” tiah KCNA media ahcun a chim.

American President Donald Trump he Singapore ah ton biaruahnak an ngeih chung a khuallam ah Singapore ram sipuazi lei a thanchoning le zeitluk in dah sipuaizi thanchoter a biapit kong fiangte in a hngalh. Cun Singapore ram a that tukning le a uar tuknak kong zong a chimchih.

Kim Jong-un cu North Korea-American ramhnih a sang bik tonbiaruahnak ngeihding in Singapore ram a phan. Singapore rili kam Skye Park le Great Flower Garden zong a va zoh tiah theih a si.

Atu hi American president le palai hna telh in ton biaruahnak an ngeih cuahmah lio a si. Zuamcawh kan ton vialte American President he i bawm in kan tawlrel lai tiah ton biaruahnak an ngeih lio ah Kim Jong-un nih a chim.
Ref: Xinhua

About The Author

Na ruahning rak langhter ve.. (Leave a comment)

%d bloggers like this: