Zuamcawhnak Pawl President Trump He I Bawm In Kan Tawlrel Lai; Kim Jong-un

NORTHKOREA-USA/

City Hunter| 2018 June 12| American President Donald Trump le North Korea hruaitu Kim Jong-un le ramhnih hruaitu palai telh in tuanbia roling tonbiaruahnak cu June 12, Singapore ram Sentosa Tikulh, Five Star level simi Capella Hotel hall ah ton biaruahnak an thawk. Hi ton biaruahnak ah North Korea hruaitu Kim Jong-un nih zuamcawhnak (challenges) kan tonmi vialte President Trump he i bawm in k an tawlrel lai tiah a chim.

Ton biaruahnak an thawknak ah American President Donald Trump nih, “Ton biaruahnak caantha kan ngeih khawhmi hi ka lawmh. Hlawhtlinnak nganpi kan hmu veve lai ti ka hngalh. A hlan i kan tawlrel khawh lomi kan buainak ngan pipi, i tlaihrenghnak ngan pipi kan tawlrel khawh ko cang lai. Ralringte in kan tawlrel ko lai. Atu bantuk kan i hmuhtonmi cung ah kaa lawm, upat zong ka pek” tiah a chim.

North Krea hruaitu Kim Jong-un zong nih, “Zuamcawhnak pawl nih a kan don, a kan hngah ko. Sihmanhsehlaw, President Trump he i bawm in kan tawlrel ko lai. Hi a sang bikmi tonbiaruah ceihmainak he pehtlai in zumhlonak a phunphun, ruahnak a phunphun pawl kanmah nih kan lonh khawh cang. Hiti kan lonh khawhmi hi remdaihnak caah a tha tuk” tiah a chim.

Ref: DVB Burmese

Na ruahning rak langhter ve.. (Leave a comment)

%d bloggers like this: