Kim Jung Un Nih President Trump Sin Ca A Kuat
TCP-Online| 2018 July 13| North Korea ram hruaitu Kim Jong Un sin in “a tha tukmi” cakuat a hmuh nakkong President Trump nih a chim.
Mah ca chungah cun; US le N.Korea ram hnih pehtlaihnak a that naklai le a luancia June thla i Singapore ram an rak i ton lio hnatlaknak minsen an rak thut timi kong tlamtlingte in tuanhma lak khawh a si naklai, Kim nih cun ca a tial chih.
“Democratic People’s Republic of Korea (DPRK) le US ramhnih kar pehtlainak a that chin i rian zong tuanti ding in keimah le nangmah (President) nih lungtlingte in minsen kan thutmi, a dik felmi lam zul in hmailei ah thatnak tampi zong a chuahpi khawh lai ti fek tein ka zum” tiah Kim Jong Un nih President Trump sin cakuat mi ah cun a tial chih.
1950 kum lio i Korea ral hrawngah a rak thimi US ralkap pawl an ruak lak than ding kong ah US ram hruaitu le N.Korea ram hruaitu hna cu tonbiaruahnak ngeih an rak tim. Nain, hi an i timhmi ni ah hin N.Korea cozah lei an rak kai lo i President Trump nih Kim Jong Un sin cakuat a hmuhmi kong a chim hi a si.
Ref: VOA
About The Author
