Kum 2 Ngakchia A Tlaihremtu Pa Cu Mandalay Ramthen Biaceih Zung Nih Thih Dan An Pek

0

TCP-Online| 2018 March 24| Mandalay khua chungah kum 2 ngakchia a tlaihremtu Kawlpa Phu Htet Aung cu biaceih zung nih March 23 ni khan thih dan an pek cang.

Phu Htet Aung (kum-23) cu a luancia February 13 ni khan kum 2 lawng a si rihmi ngakchia nu te a rak tlaihhrem. Cuti a tlaihhremnak ah cu ngakchia zong cu a nunnak a liam ve. Phu Htet Aung cu kan tlaih i biacheih zung kan chuahpi tikah nizan March 23 ni khan biaceih zung nih pohmah 376/302 (1)(d) in thih dan an pek hi si, tiah Mandalay ramthen palek pakhat nih a chim.

A bia a ceihtu Daw Hti Hti Maw nih “Tutan i bia kan chahmi hi tlaihrem case lawng si loin mi thah case he tiin a pahnih komh in kan chahmi a si” tiah a chim.

Hiti Phu Htet Aung thih dan an pekmi kongah, nunnak liammi ngakchia a pa nih “Tutan i biaceih zung nih bia an chahmi hi kan nih chungkhar lei cun kan lung a tling ko” tiah a chim.

Phu Htet Aung a dirpitu sihni U Wai Phyo Maung zong nih, amah hrimhrim zong nih ka palhmi a si ko tiah a chim ve tikah zeihmanh bia hal awk le ceih ding zong a um ti lo. Biaceih zung nih bia an chahmi hi a dikfel ko tiah a chim ve.

Ref:BBC

About The Author

Na ruahning rak langhter ve.. (Leave a comment)

%d bloggers like this: