May 28, 2024

Miphun Cihmih Thahnawnnak Ah Tuanvo Ngei Myanmar Pawl Dantat Ding UN Nih A Timh Cuahmah

0

Aung Aung| 2018 March 13| Rohingya Mulsim pawl an miphun ning in cihmih thahnawnnak an tuah timi tehte thilri pawl khawmhsuat ding nih UN nih an timhtuah.

Miphun Cihmih thahnawn khamnak kong ruahnak petu Adama Dieng nih tehte thilri pawl kan khawmhsuat lai tiah Bangladesh National Human Rights Committee chairman Kazi Reazul Hoque he an khuahlipi Dhaka i tonnak an ngeih lio ah a chim.

Hlathlaitu phu kha Myanmar ram ah thlah in hlathlai ter an si lai i UN nih ri a khiah mi phunnga an lonh timi hmuhchuah nak tehte a um ahcun upadi ning in sual phawt le dantat khawh an si lai tiah theih a si.

Rakhine ramkulh chung ah hlathlaitu phu luh sianh le sianh lo tu cu Myanmar cozah cung ah aa hngat tiah a chim. Nikum August 25 ah Rakhine ramkulh chaklei i buainak a um hnu in ramkip phu pawl Rakhine ramkulh ah Myanmar cozah nih luh an kham dih hna. Miphun Cihmih tiang thahnawnnak an tuah timi a langh ahcun Myanmar ram balbawi le sualnak a tuah mi pawl hi ICC tiah auh mi vawlei cung ramkip huap biaceih zung ah auh ding dawh an si tiah BNHRC chairman Kazi Hoque nih a chim.
Ref: VOA

About The Author

Na ruahning rak langhter ve.. (Leave a comment)