Mindat ah Tolre Sehzung Kan On Cang, Pengkip ah Sehzung Ngeih A Herh_Vuanci Soe Htet

Mindat Peng Htingchaung ah Tolreba Sehzung Onlio/IPRD

Kalay+Hakha-TCP| 2020 January 29| Chin ramkulh ah a hmasabik Tolreba carnak sehzung cu Chin lothlo mi hna nunning thanchoter awk ah Mindat peng Htingchaung khua ah UK-aid tangka le thiamnak bawmchannak in DaNa Facility le MFVP project, cu bawmhmi Chin Taung Yadana Company hruainak in onnak cu Chin Ramkulh Vuancichoh le rianngeitu hna nih 2020 January 26 an tuah cang.

“Mindat ah Tolreba sehzung cu Mindat, Kanpetlet le Matupi riantuantu hna bomhnak in tuah a si cang. Sehzung ah thiltha (quality) taktak in a chuah khawh cang i ramdang kan kuat tik zongah aman a zor ti lai lo. Ni le mei in carmi pawl hi cu Tolre cing tu ca zongah an sung I atha lo. Atu Mindat seh nihin 25% hrawng lawng a tuan khawh lai. Chim duhmi cu pengkip ah Tolreba sehzung ngeih kho ding hi izuam cio a herh. Tolreba cu za ah za bak kan cin ning bantuk te in a miak kan hmuh ding a si caah Chin ram le Chin miphun nun a kan thleng kho tu ding a si” tiah Sipin Vuanci Soe Htet nih The Chinland Post ah a chim.

Hi Tolreba sehzung tuah khawhnak ding caah Mindat, Kanpetlet le Matupi um Tolre lei riantuanmi hna fonh in Chin Taung Yadana (Chin Hill Treasure) company an dirh i tangka thawh (Share) an tuah cio tiah theih a si.

Chin Taung Yadana (Chin Hill Treasure) company (Reg. khapana 002/2019) cu Mindat lothlophu company in Daw Chaw Myo (consulting director), Kee Shin Mang (Admin director) le U Phe Ling (Raw material trading director) siseh, Kanpetlet in Moe Kyaw Thu (Farmer education & technician director), Matupi in Salai L Kap Ling (Member) le Victory Garden company in U Kyaw Thu (Cooperate director) tiin Board of Director minung (6), tangka lei in Mindat company share caw minung (20) 50%, Kanpetlet company in share caw minung (13) 20%,  Matupi company share caw minung (13) 10% le Victory Company share minung (2) 20% an zapi tangka aa thawhmi (shareholder) minung (48) in an kalpi cuahmah lio a si.

Chin Taung Yadana (Chin Hill Treasure) company limited hi UK-AID tangka bawmhnak in Dana Facility nih MFVP Project in Tolreba carnak seh kumkhat ah ton (500) riantuannak kho nak ding ah tangka le seh lei thilri le thiamnak an bawmh hna. Mah sehzung saknak ding ah Kyats Sing 10,000 hlei an dih tiah thawng kan theih.+++

 

Na ruahning rak langhter ve.. (Leave a comment)

%d bloggers like this: