Minister U Soe Htet Camp Victoria Atlawngnak Pu Ni Lian Sang hmuhtonmi

Salai Bawi Lian Sang| TCP-Kalay| November 18, 2020| Chinram cozah biachimnak nawlngei Municipal (Sinpin-winci) Minister U Soe Htet cu November 13,2020 ni ah a hawi le minung(22) he Camp Victoria an tlawngnak ah a tel ve mi Pu Ni Lian Sang(Kalaymyo-khuanu/pa) nih TCP ah a chim.

“Rev. Cung Cin(GCCF-Canada) sawmnak in Kalaymyo in Hakha lei ka kai. Hakha ah U Soe Htet, U Weih Tin(MP-Paletwa),U Khin Maung Win(Hakha-Sipin) le a dang a hawi le he kan dihlak minung(22) in Camp Victoria lei cu November 13 ni ah kan kal. Camp Victoria kan phanh cu Dr. H Lian Zakhong, U Soe Htet, Dr.Sui Khar le a dang CNF cheukhat hna hi Yangon University cacawn lio ah an rak i thei/kom tuk  mi an rak si. Dr. H. Lian Zakong zong nih sianghleirun kai ti mi ah cheukhat cu Cozah rian nan tuan. Cheukhat cu Tapung kan tuan tiah a chim. Cun, U Soe Htet nih Paletwa peng um hlan pu/pa hna nih Rakhine ram kulh chung um an duh lo I Chinramkulh ah an rak I fonh ning, Chinram hriamtlai pakhat CNF/A cu Myanmar cozah he kahdaihnak NCA minsenthut ve mi a si caah hmai lei ram le miphun hunhimnak le nihin Paletwa peng buainak a daihkhawhnak hnga saduhthahnak bia tampi a chim”tiah Pu Lian Ni Lian Sang nih TCP ah achim.

“AA nih tlaihmi Paletwa peng MP U Weih Tin he an i tonnak kong ah mah ti hin a chim.U Weih Tin nih cun, AA nih ni(78) an ka tlaih. Ni(25) hi kei mah lawng room dang ah an kan erh khumh. Bia  tampi an ka hal. Cozah lei kap report na pek ti le a dang chim awk tha lo mi tampi an ka hal. AA nih Paletwa peng ah Thah ding timi pa(4) ah kei mah, Issac Khen, U Soe Htet, le kan hawi pakhat kan I tel. Thah kan ton lonak ruang cu CNF le Mizoram upa lei chimrel piak nak thawng in thih nak in kan luat hi a si tiah a chim. U Weih Tin le U Soe Htet hi 2020 Democracy thimnak Paletwa peng in MP an tling than mi a si. Hmai lei khua le ram miphun caah saduhthahnak he riantampi a tuan kho ding mi an si”

Cun, “Camp Victoria an um chung ah ei-din kong ah a ho upa thleidannak um lo in zapi rual te in ei-din cio a si nak  kong le Covid-19 pulrai vennak kong ah  in masks, Hand gel, le a dang sii lei zong ah ralring te in an um ko. CNA ralkap umnak inn zong Innchungkhar umnak, Nu ngak , tlangval umnak a dangdang te in an um cio. Camp um ti cu an har sa cio ko caaah Chin miphun nih a lam kip in dir pi a herh nak le mah zan ah meiphu tonh in bia ruahnak kan ngei hna, mah ni ah UCCF sawanak in Hakha peng Pastor le upa workshop an rak ngei ve. Chiin ram upa tampi tonnak an ngei chih. Zoh ah lung a hmui tha a dam tuk. A thai zing November 14, 2020 ah Hakha lei kan kir than”  tiah Pu Ni Lian Sang nih TCP ah a chim.

 

 

 

 

Na ruahning rak langhter ve.. (Leave a comment)

%d bloggers like this: