Mizoram Ramkulh Thla 6 Chung Ah HIV Zawtnak A Ngeimi 1353 An Si

0

The Chinland Post| 2019 July 8| Chin ramkulh le ramri a simi Mizoram ramkulh thla 6 chung ah HIV zawtnak hrik ngeimi 1353 an um tiah Mizoram State AIDS Control Society (MSACS) cathanh ning in theih a si.

MSACS ning in 2018 October in 2019 March thla tiang thla 6 chung ah HIV zawtnak hrik ngeimi 1353 an um tiah Mizoram Daily thanhca Vanglaini nih a langhter.

1990 kum October thla thawk in Mizoram ah HIV zawtnak hrik an rak hmuh i 2019 March thla tiang ah HIV zawtnak hrik ngeimi 19631 an si.

Hi HIV zawtnak hrik 19631 lakah 1734 cu fapawi nu hna sin in zawtnak aa chawnhmi an si i a tangmi 17897 hi cu general client timi zahran mizapi an si.

Zaran mizapi 17897 lakah 11828 cu pa an si i 6069 hi nu an si. Zawtnak an i chawnhnak bik cu nupa sinak tuahnak in zatuak 66.08% a si i hi tuahnak in zawtnak aa chawnhmi hi pa 6827 le nu 5000 an si.

Cu pin ah sex aa khatmi in aa chawnhmi hi 185 an si, zatuak in 1.03% an si. Mizoram HIV/AIDS zawtnak ruang ah pa 924, nu 518 le ngakchia 32, an zapi 1474 an thi cang tiah theih a si.

Ref: Khonumthung News

About The Author

Na ruahning rak langhter ve.. (Leave a comment)

%d bloggers like this: