Syria Ah Ralkap Bufonh Kahdohnak In Zatlang Mi 540 Renglo An Thi

The Chinland Post| 2019 July 8| Syria tupung nih ukmi hmun pakhat cu a luancia thlahnih lio in khan Russia hruaimi ralkap bufonh nih vanlawng cung kahdohnak a tuahmi ruang ah zatlang mizapi 540 renglo an thi i 2000 renglo hliamhma an tuar tiah nuhrin covo phu le nunchanhtu hna nih July 6 ah an chim.

April 26 in khan kah hram an i thawk cang. Hi kahdohnak chung ah ngakchia 130 telh in zatlang mi 544 an thi tiah nuhrin covo lei kongkau Syria Network (SNHR) nih a ti. Asinain, Russia ralkap nihcun anmah zatlang mi umnak kha tinh ciammamte in kan kahmi a si lo tiah an al.

Hi kahdohnak ruang ah tualchung mi 300,000 renglo cu hmun himnak Turkey ramri ah an zaam tiah UN nih an chim.

Ref: DVB

Leave a Commnet

%d bloggers like this: