Monekoe Um SAC Ralkap Sakhaan 3 le Chinshwehaw Um SAC Ralkap 1 MNDAA Nih An Lak Chap
The Chinland Post | 2023 October 30 — Shan ram chaklei, Monekoe hmunhma ah a um mi SAC ralkap sakhaan 3 nak tlawm lo cu October 29 ah an lak chap tiah MNDAA lei chimphuannak nawl a ngeitu Li Kya Won nih a chim.
“October 30 ni kahdohnak ah sakhaan hme 3/4 hrawng kan lak khawh chap. Chun ah an si. Cun October 29 nizaan ah, Chinshwehaw chaklei ah a um mi Yan-te-shan tlang kan lak khawh. Cu tlang kan lak khawh i hmunhma zohfelnak kan va ngeih tik ah Yan-te-shan in a zaam mi ralkap 12 kan tlaih khawh hna” tiah MNDAA chimphuannak nawl a ngeitu nih People’s Spring ah a chim.
SAC ralkap pawl cu mipi thuam in an zaam lio ah an tlaih hna hi a si.
Cun Theindi khua ah a um mi Peng GAD zung zong an hrawh khawh tiah a chim fawn.
Cun TNLA nih October 29 ah Theindi sakhaan kan lak khawh tiah an thanh ve. Theindi khua, Maili sakhaan lak kahdohnak ah SAC ralkap sin in meithal zuun 15 le kuan pawl, kahdohnak thilri pawl zong an lak khawh tiah an thanh.
About The Author
