Rakhine Ram Buaimi Kongah Thate Cithlat Tuah Dingin British Minister Nih Pi Suu Kyi A Chimh
TCP-Online| 2018 February 12| Kawlram ah nikhat caam in a rak tlawngmi British ramleng Minister Boris Johnson cu February 11 ni khan ramkomh ruahnak petu Pi Suu Kyi he an i tong i Rohinya ralzaam kong a bikin an i ruah.
Rakhine ram ah Rohinya minung a bubu ithahnak kongah a dik felmi cithlatnak tuah khawh ding le Bengali dish ram a phanmi ralzaam pawl zong Kawlram ah an rak kir khawh i a nun a humhim nakding kong hna biaruahnak an ngei.
Ralzaam hna cohlan ding in Bengali dish le Kawlram cozah kar hnatlaknak tuahmi pawl kong Pi Suu Kyi nih Boris Johnson sin ah fiangte in a chimh tiah ramkomh ramleng minister zung Director U Soe Han nih a chim.
Boris Johnson nih Pi Suu Kyi cu Reuters Reporter pahnih tlaihmi kong zong biatakte in biahlanak a ngei. Biaruahnak an ngeih dih hnuin Rakhine ramkulh cozah hna he Maungtaw ah kal in ralzaam pawl dornak hmun an va zoh.
Boris Johnson cu Kawlram a phak hlan ah Bengali dish ralzam pawl a ton hmasa i Kawlram a kir pah hin Bangkok ah Rakhine kong ruahnak petu Commission President Suyakiyat he zong tonnak an tuah lai ti theih a si.
Ref:BBC
About The Author
