Namhsan Palek Sakhaan In A Zaam Mi Palek Bawingan le A hnuzul Pawl Kahdohnak Chung Ah An Thi Dih
The Chinland Post | 2023 December 13 — Shan ram chaklei, Namhsan peng, Namhsan khua myoma palek sakhaan cu TNLA nih an lak hnu ah a zaam mi palek bawicem chang a si mi Htun Soe Thein hruanak in thazang 20 hrawng ralkap chungtel pawl le Commando Captain Kyaw Thu Htwe hruai mi thazang 20 hrawng ralkap chungtel tiah an zapi palek le ralkap 40 hrawng cu December 12 kahdohnak chung ah an thi dih tiah Khit Thit nih a langhter.
December 11 zinglei sml 4:00am hrawng ah TNLA nih Namhsan khua myoma palek sakhaan cu an kah hna i an lak caah palek bawicem chang a si mi Htun Soe Thein hruai mi ralkap le palek 21 cu ralkap LIB 254 in Captain Kyaw Thu Htwe hruai mi ralkap Commando umnak tlang ah an va i fonh. Cu Commando umnak tlang cu December 12 ah TNLA nih an va kah hna i an zapi an thi tiah theih a si.
Cun December 12 ah ralkap nih Helicopter in a rak chiah mi ralkap thazang 70 chung ah 25 cu TNLA he kahdohnak chung ah an thi tiah Khit Thit nih a langhter fawn.
About The Author
