Nan Khin Zayar Nih Ka Hack Hlah Uh Tiah Facebook Ah Nawlnak Ca A Tial

0

Chinland Post| 2018 January 22| Nan Khin Zayar nih zaangfahnak te in ka hack hlah uh tiah a facebook ah nawlnak ca a tial.
A luancia thla ah khan Kawlrawm lemcang thiam le minthang Celebrities pawl faceboook account pawl atu le tu hack piak an tong. Kawlram lemcang thiam minthang Phwe Phwe, Thet Mon Myint tibantuk minthang pawl facebook account hack piak an tong.

Account hack piak a tongmi lakah Naing Wun, Suh Eain San, Paing Phyu Tuh, Za Ye Htet, Jugar tibantuk celebrities minthang pawl account hack piakmi ah an i tel.

Atu zong account hack piak timhmi Kawlram celebrities minthang tampi an um. Hi chung ah Nan Khin Zayar zong aa tel ve. Nan Khin Zayar nih ka facebook account hack aa timmi le aa zuammi an um. Cu ruang ah account hack piak lo ding in facebook in nawlnak ca a tial.

Nan Khin Zayar nihcun, “Account ka hack piak hlah uh. Keimah nih zeihmanh ka tuah lo dah kaw! Nan zapite in kan dawt dih ko hna” tiah a facebook ah a tial.


Ref: Nan Khin Zayar fb, Duwun

About The Author

Na ruahning rak langhter ve.. (Leave a comment)

%d bloggers like this: