North Korea Nih A Nuclear A Hrawh Ahcun Humhimnak Caah Bia Ka Kamh Lai; USA

Salai Aung Aung| 2018 May 14| North Korea nih Nuclear a sermi hrawh ding a lungtlin ahcun American nih North Korea humhimnak caah aamahkhan pek ding aa timh bantuk in American pumpak company nih North Korea ah electric energy mei pek nak rian tuan ding zong onh aa tim tiah ramdang pehtlaihnak minister Mike Pompeo nih a chim.

Donald Trump President a si hlan ah khan cun North Korea hruaitu pawl nih hi bantuk in mithmuh kuttongh in an tuah tak tak lai tiah an rak zum lem lo tiah Pompeo nih cun Fox news sinah a chim.

North Korea khuahlipi Pyongyang ah Kim Jong-un he an i ton hnu in American nih timhtuahnak a ngeih mi pawl kha Kim Jong-un nih a lungfiang i a cohlan nak kong zong a chim. June 12 ah Trump le Kim cu Singapore ah an i tong lai i Nuclear hrawhnak kong le humhimnak kong ceihmai nak an ngei lai. A bik in hi kong ah pakhat hmanh tang loin an lungtlin khawh ding nak ding ceihruahnak ngeih an i tim tiah Mike Pompeo nih a chim.
Ref: VOA

Na ruahning rak langhter ve.. (Leave a comment)

%d bloggers like this: