North Korea Nih Nuclear Hneksaknak Ka Ngol Cang Lai Tiah A Thanh; South Korea President He An I Tong Lai
City Hunter| 2018 April 21| Nuclear le rocket hneksaknak cu rianrang in ka ngol colh cang lai tiah North Korea hruaitu Kim Jong-un nih a thanh. A ralaimi April 27 ah South Korea President he ton biaruahnak an ngei lai.
North Korea nih nuclear hriamnam ka chuah cang lai caah nuclear hriamnam hneksaknak tuah a hau lo. Nuclear hneksaknak sakhaan pakhat cu ka phihkhar cikcek cang lai tiah North Korea hruaitu Mr. Kim Jong-un nih a chim.
Korea rilifonghlei daihter i sipuazi thanchoternak ding hmuitinh he atu bantuk nuclear hneksaknak kan ngolnak hi a si tiah North Korea cozah media nih an thanh.
Korea ramhnih kar pehtlaihnak atu hrawng cu a hung tluang deuh. North Korea le South Korea ramhnih hruaitu lutlai ton biaruahnak cu ramri ah aralaimi April 27 ah an thawk lai. North Korea hruaitu Kim Jong-un le South Korea President Moon Jae-in ton biaruahnak ngeih dingmi hi kum 10 chung ah a hmasa bik ton biaruahnak Korea ramhnih hruaitu an i ton a si lai. Atu ton biaruahnak an ngeih dingmi hi 2000 kum le 2007 kum hnu ah a voi thumnak South Korea le North Korea ramhnih ton biaruahnak an ngeih a si tiah Reuters thanhca nih a langhter.
Tutan Korea ram hnih hruaitu ton biaruahnak ah North Korea nuclear hriamnam kong telh in a dangdang kong ceihmainak an ngei lai.
Ref: DVB, BBC Burmese
About The Author
