Rian A Tuan Chung Ah Fa A Hringmi A Hmasabik American Hluttaw Palai Nu

City Hunter| 2018 April 10| American a sang hluttaw (upper house) palai Tammy Duckworth (senator) nih naite ahkhan fanu pakhat a hrin. Kum 50 a si cangmi Tammy nih hluttaw i rian a tuan chung ah fa a hrin caah American hluttaw ah tuanbia thar a tial. American hluttaw ah hluttaw rian tuan cuahmah bu in a hmasa bik fa a hringmi palai (senator) a si. Amah hi pumtlinglo a si ko nain zohchunh tlak senator pakhat a si.

Democratic party chungtel Illinois senator nih a fanu min cu tweeter in a thanh. A pasal chungkhat a simi vawlei ralpi pahnihnak lio i nurse rian a tuantu a pi nih ka fanu min cu a pek tiah Tammy nih a tial. Amah tweeter ahcun innchungkhar le sii lei thlopbultu phu cung in aa lawmhnak zong a langhter chih.

Tammy hi hlan deuh lio ralkap chung ah helicopter mongtu zong a rak si. 2004 kum ah Iraq ralram i helicopter in a tlak hnu cun a ke pahnih ningte in a kiak. Pumtlinglo nu pakhat American upper hluttaw ah thim hmasabikmi nu a si.

Atu a hrinmi fanu te hi a pahnihnak a hrinmi fanu a si. Hi ngakchia hrin khawhnak ding ah IVF timi voi tampi a rak hman i fa zong voikhat a rak i rawk bal.
Ref: BBC

Na ruahning rak langhter ve.. (Leave a comment)

%d bloggers like this: