Operation 1027 Thawknak Ni 12 Chungah SAC Ralkap Sakhan 153 Unauhawikom Phu 3 Nih An Lak
The Chinlandpost | November 7, 2023 — Operation 1027 thawknak in ni 12 chung ah SAC ralkap sakhan 153 cu unau hawikom phu 3 nih lak a si cang tiah MNDAA biachimnak nawl ngei Le Kyarwen nih a chim.
October 27 in thawk mi Kokang kahdohnak ah ralkap tank 6 lak a si i, Novmeber 7 ni Monekoe kahnak ah ralkap tank 1 lak chap a si caah nihin ni tiang ralkap tank 7 lak a si cang.
MNDAA le AA ralkap nih ralkap sakhan 120, TNLA nih ralkap sakhan 33 an lak khawh cang caah unau hawikom ralkap phu 3 nih November 7 tiang ah ralkap sakhan 153 an lak cang tiah Lee Kyarwen nih People’s Spring ah a chim.
November 7 tiang ah Sagaing ramthen ah, Kawlin le Khampat, Shan ram ah Chin-Shwe-Haw, Phaungsai, Theinni le Kyokauk (Pansai) peng 4 telh in khuapi –peng 6 an lak cang.
About The Author
