President Trump Le Kim Jong Un Cu Singapore Ram Sentosa Tikulh Ah An I Tong Lai
TCP-Online| 2018 June 6| US President Trump le N. Korea ram hruaitu Kim Jong Un hna cu a ralaimi June 12 ah Singapore ram Sentosa Tikulh ah tonnak an ngei lai tiah US White House lei nih thawng fianternak a tuah cang.
Ramhnih hruaitu hna cu Sentosa tikulh ah Five Star level simi Capella Hotel ah tonnak an ngei lai i riahnak bel cu hmun dang ah a si te lai.
Atu tiang ah President Trump cu hlan US President pawl an rak riah tawnnak Shangri-La Hotel ah a riak lai i Kum Jong Un cu St Regis Singapore Hotel ah a riak te lai ti theih a si.
President Trum Le Kim Jong Un Itonnak Ding Capella Hotel
Meter 500 tluk lawng a kaumi Sentosa tikulh ah tonnak an tuah ah hin an caah humhimnak zong a um cem lai ti ruah a si caah tubantuk in a hmun zong an thimnak cu a si.
Sentosa tikulh kalnak ah hin cunglei lam le tanglei lam (vawlei tang) zong in kal khawh a si. Humhimnak lei zongah lam kham a fawinak ngai hmun pakhat zong a si. Sentosa tikulh cu ramchung minung pawl umnak ding caah sermi tikulh a si lo i ramdang khual pawl caah a bikin sermi tikulh zong a si. A pawngah Hotel tete zong tam ngai a um. Vawleicung ah Movies lei a tuah tawntu Universal Company zong Sentosa tikulh ah hin a ummi a si.
President Trump le Kim Jong Un tutan tonnak an ngeih dingmi ah hin a bikin Nuclear kong ceihmainak an tuah te lai ti theih a si.
Ref;BBC
