President Duterte Nih Mizapi Hmai Donhhlei Cungah Nutung Nu A Hnamh

0

Salai Aung Aung| 2018 June 5| The Philippines ram President Rodrigo Duterte cu South Korea a tlawn lio ah South Korea ram i Philippines riantuanmi pawl he tonnak a ngei i biachimnak donhhlei cung ah nutung nu pakhat a hmur ah a hnamh.

Hi bantuk in a tuahmi hi nu zei a rel lo a si, taksa duhnak zulhmi mizapi a kan serhsat a si, chungkhar cungah zumhtlak lo in aum a si ti bantuk in a soiseltu an tampi bantuk in khat lei ahcun mizapi nuamhter duhnak menmen ah a tuahmi a si ko a timi zong an um ve.
Philippines rammi tamdeuh nih cun a poi ah an chia lem lo. Timh ciammam in a tuah mi siloin mizapi nuamhnak ca a si ko an ti. Nu dirhmun cawisan le covo humhaknak ah a cawlcangmi nu hna le ramkhel minung tampi nih cun fakpi in an soisel.

Mah a hnamhmi nu cu Bea Kim timi nutung nu a si i Korea pa he aa um mi an si. President Duterte nih cun S. Korea um Philippines minung 3000 tluk hmai i bia a chim lio ah nu pahnih kha hmai ah a auh hna i cauk pakhat veve laksawng a pek hna. Hmasa nu cu a biang ah a hnamh i Bea Kim bel cu chungkhar na ngei maw tiah a hal hnu ah na hmur ah kan hnam kho lai maw tiah nawl a hal i a hnamh.

President pa nih cun “mizapi nuamhnak ca ah kan tuah men mi a si, na thin maw hung lai ci” tiah a hnamh dih hnu ah a ti. Bea Kim zong nih “hihi timh ciammam tein a tuahmi thil a si lo. Mizapi nuamhnak ca men sawh sawh ah a si ko” tiah biahalnak an tuahmi ah a chim.
President Rodrigo Duterte cu kum 73 a si cang.
Ref: VOA, Duwun

About The Author

Na ruahning rak langhter ve.. (Leave a comment)

%d bloggers like this: