President Zung Ah Rithaisii Dohtu Bu An Dirh Cang
TCP-Online| 2018 June 26| Kawlram chungah rithaisii zuarmi le hmangmi a zor khawh naklai, cubantuk thawngpang theih sual a si zongah President zung ah dengteo in report tuah khawh a si, President zung ah rithaisii dohtu bu zong dirh a si cang tiah ramkomh President U Win Myint nih a chim.
Ramkomh President nih tubantukin a chim cu June 26 ni khualipi Naypyidaw i tuahmi Kawlram rithaisii dohnak ni ah a chimmi a si.
Kawlram chung ram minung pumpak pakhat cio zong nih mah le pawngkam i rithaisii a zuartu le a tong thamtu an um sual si cun ramkomh President zung sin dengteo in thawng theihter khawh a si. Cubantuk in thawngpang theih le cangkaa in ramkomh President zung rithaisii dohtu bu an van ra colh lai a rannak in tlaih khawh ding zong an tim. Hi bantuk thawng thanh a si ahcun a thanhtu zong aa tlak ning in President zung nih laksawng pek a si lai ti zong theih a si.
Kawlram rithaisii dohnak ni cu khualipi Naypyidaw lawng ah si loin ramkomh le ramthen kip ah cozah hruainak in June 26 ni khan an tuah cio hna.
Kum khat chungah Kawlram chung i rithaisii an tlaimi cu US Dollar in nuai 187 leng mei in kangh a si cang ti Kawlram palek lei nih an chim.
Ref: RFA
About The Author
