Ral Nih A Kan Tuk Ahcun Ngakchia Telh In Rammi Kip Meithal Ka Pek Hna Lai; Belarus President

City Hunter| 2018 Tho 11| Belarus ram hi ral nih an kan tukdoh ahcun ngakchia telh in nu he pa he, tar he rammi zapi meithal zunkhat cio ka pek hna l ai tiah Belarus President Alexander Lukashenko nih a chim.

Belarus ramchung ah innpa ram Ukraine nih phungninglo hriamnam tampi a luhpimi cung zong ah a lungrawhnak kong President Lukashenko nih a chim.

“Keimah nih capo bia ka chim a si lo. Kanmah ah rifle meithal, pistol, she meithal le kuanfang pawl tlamtlingte in kan ngeih ahcun le Pathian nih a kan ngaihthiam ahcun innchungkhar kip in raltuknak ah an i tel ko lai” tiah Lukashenko nih a chimmi cu STV muilang thanhca nih a langhter.

Belarus rammi nuai 7 hi hriamnam ka tuahpiak dih hna lai. Belarus ram nih i runvennak hriamnam lawng hi kan herhmi a si. Cu hriamnam in cun ral nih an kan tuk khawh lonak ding ah a kan runven khawh lai. Belarus ram nih aa tinhmi target hi a kah khawh i a hlatnaih khan 186 in 217 tiang a phan khomi missile pawl kan ngei tiah President nihcun a chim.

President Lukashenko nih Belarus ram hi zei bantuk ram nih dah tukdoh an timh cu fiangte in a chim lo. Asinain innpa ram a simi Ukraine ram hi thinphang an sinak kong a chim.

“Kannih cu Ukraine ramri in hriamnam pawl tampi a lutmi hi ralrinnak kan ngei. Hriamnam tampi kan tlaih hna” tiah Belarus President nih a chim. Ukraine he an i pehtlaihnak ramri zong rengh deuh ding in Belarus cozah nih biakhiahnak a tuah cang tiah theih a si.

“Kan ramri hi Belarus caah zeitluk tiang in dah buainak a um khawh timi ka hngalh ko. Kan ramri hi kan phih cang lai. Asianin cohlan khawh dingmi mitha pawl caah cun luhchuah khawhnak kan phit lai lo. Meithal a phormi sualnak a tuahtu hna lawng kha ramri luhchuahnak kan phih hna lai” tiah President Lukashenko nih a chim.
Ref: Duwun

Na ruahning rak langhter ve.. (Leave a comment)

%d bloggers like this: