Ralkap Tla Ding Batch 2 Caah Myanmar Ramchung Mino 4,000 Hrawng An Khawmh Hna
The Chinland Post | 2024 May 31 — SAC nih ralkap tla ding training batch 2 caah Myanmar ramchung mino 4,000 hrawng (3,953) a khawmh hna tiah BACS nih May 30 ah a thanh.
Batch (2) caah khawmh a tong mi mino pawl hi Kawl titoih puai lio ah khawmh mi an si hna i May 14 ah Myanmar ram pumpi raltuk cawnnak (စခတ), a sang deuh mi cawnnak sianginn (တတက) Coporal cawnnak sianginn (ဗထူး), ralkap computer le Technology lei sianginn tiah sianginn hmunhma 16 ah Batch 2 Training an awn hi a si.
Atu Batch 2 nak hi Batch 1 lio nak in minung an tlawm deuh i rii khiah mi minung a tlin nakhnga an khawm mi a tlawm deuh tiah BACS nih a chim.
Raltuk cawnnak Batch 1 an awn lio ahcun training pawl hi SAC nih ṭha tein a tlaih khawh nak hmunhma pawl ah an awn hi a si i a voihnihnak hi cu dothlennak phu pawl an thazang a ṭhawnnak hmunhma pawl zong ah an awn cang tiah RFA nih a langhter.
SAC lei nih cun hramhram in in ralkap tla ding kan khawmh hna lo. Mah lungtho tein a zuam mi lawng ralkap kan tlak ter hna tiah Batch 1 lio ah an rak chim.
Ralkap tla ding cawnnak Batch 1 lioah Myanmar ramchung mino 5,000 deng an khawmh hna i Batch 2 ahcun 9,000 hrawng an khawmh hna tiah RFA nih a ṭial.
About The Author
