Ramhnih Pehtlaihnak Thatter Ding Ah President Trump Thlang Korea Ram Ah A Kal Lai
TCP-Hakha| 2019 May 16| American President Donald Trump cu ramhnih pehtlaihnak thatter deuh ding in June thla chung ah Thlang Korea ram a kal lai tiah White House nih May 15 ah an chimphuan.
“President Donald Trump nih Thlang Korea President Moon Jae-in he i hmuhton ding le G-20 meeting kainak caah June thla dongh ah Thlang Korea kalding a ngei” tiah cathanh ahcun an langhter.
Trump le Moon cu “Chak Korea i nulcear hlohnak ding a donghnak bik tlamtlingte in chekhlat fehternak hlawhtlin ding i zuamnak cu naihniamte in pehtlai in an i ceihmai lai” tiah White House cathanh ning in theih a si.
Ramhnih hruaitu upa hna cu ramhnih ihawikomhnak le ramhnih mizapi kar i dawtnak le i naihniamnak a fehnak ding lam pawl an i ceihmai lai. Cun, Trump le a nupi cu May thla dongh ah Japan ram i an siangpahrang thar ton ding in Japan ram ah an kal lai tiah White House lei nih an chim.
April thla chung White House ah a rami Thlang Korea President Moon Jae-in khuallam chung ah Trump nih Chak Korea ram cung ah phihkharmi pehzulh in a um rih lai nain phihkharnak tuahchap a herh ti lai lo ti ka ruah tiah a chim.
Cu pin ah Chak Korea ram hruaitu Kim Jong Un he avoi thumnak ton biaruahnak ngei ding an si kong zong a chimchih.
Ref: Xinhua News
About The Author
