Rung Lian Ceu Semi Final Tiang A Kai Cang
The Chinland Post| 2019 March 7|March 7 ah tuahmi avoi 12nak Naga Paih zuamcawh paih zuamnak ah Lai pathawng Rung Lian Ceu semi final tiang a kai cang.
Minung 8 paih tiang Chinmi chung in teinak a hmutu cu Rung Lian Ceu a si. Atu hi semi final tiang a kai cang. Minung 30 paih ah Hrang Tin Thang le Mang Hnin Thang cu a round 2nak (minung 30) paih ah an tla cang.
Rung Lian Ceu nih relhte in voikhat a tei. A voihnihnak a tengh than i rel lo i an chiah caah Rung Lian Ceu coach pa nih a zuamcawh (challenge) caah record an zoh than i Rung LIan Ceu tei an pek than.
Atu hi a thawng bik minung pali a simi semi final paih tiang Rung Lian Ceu cu a kai cang. Champion conak ding ah a lam kau thluahmah cang.
Kanmah Laimi chung in aa paimi minung 5 hi Rung Lian Ceu, Thawng Tling, Mang Hnin Thang, Hrang Tin Thang le Tluang Zel Thang an si. Thawng Tling le Tluang Zel Thang cu around 1nak ah an sungh cang caah around 2nak minung 30 paihnak ah an i tel kho ti lo.
Tu ni zuamcawh paih around 1nak ah aa paimi zapi hi minung 59 an si, hi chung in kanmah Chinmi minung 5 an i tel.
Pakhatnak laksawng hi Rs. 200,000 a si, pahnihnak laksawng cu Rs. 150,000, pathumnak laksawng cu Rs. 100,000 le palinak laksawng hi Rs. 70,000 a si. Quarter finalist a lutmi paoh Rs. 10,000 cio, le Pre-Quarter finalist a lutmi paoh Rs. 5,000 cio le paih a thiam bik (tactic) laksawng hi Rs. 10,000 laksawng pek an si lai. Atu Rung Lian Ceu hi pre- quarter finalist (minung 16) paih ah a lut cang.
About The Author
