SAC nih rian khinhmi Election Commission phu Hakha an phan
Hakha Khua/TCP
The Chinland Post | 2022 March 12 – Chin State Administration Council he ton dingin SAC nih rian khinhmi Union Election Commission phu cu Naypyidaw in Hakha ah Helicopter in chun sml 11:00am hrawngah an phan tiah theih a si.
March 12 zing in Hakha khua Administration Council zung cu SAC ralkap le palik pawl nih security an lak i khua chungah an i phawzamh dih.
SAC nih rian khinhmi Election Commission phu le Chin State Administration Council phu cu March 12 zaanlei ah tonnak an ngei.
Union Election Commission phu cu zaanlei sml 3:00pm hrawngah Helicopter in an kir ṭhan tiah theih a si.
2023 ah party tling thimnak tuah ṭhan dingin kan i zuam lai tiah SAC nih a thanh.
About The Author
