Switzerland Chinmi nih Paletwa hartong caah bawmhnak an pek
Switzerland ram ummi Chinmi chungkhar 2014 Christmas an hman lio. Photo: Vangte (Fb/Private)
TCP Hakha| 2020 April 14 — Chin miphun a tlawmte lawng khua an saknak ram Switzerland in Chin miphun Paletwa peng ah hartongmi caah tiah Switzerland Chin Community/Families nih bawmhnak an pek tiah kan theih.“Switzerland ram um, Chin Community/Families nih Kawl Ralkap le AA kahdohnak ruang ah Paletwa peng hartongmi hna caah siaherhnak he April thla chung ah bawmnak tlawmte kan pek ve” tiah an upa nih a chim.
“Anmah hi mitlawmte an si i, an khawh tawk in CRCDF sin ah CHF 1,100 (MMK in 1,449,800) an bawmh hna hi a si tiah theih a si.
Vawleicung khua nuam le ram dawh tiah minthangmi Switzerland ram ahhin, Chinmi upa, ngakchia telh chih in minung 30 tluk an um tiah theih a si.+++
About The Author
