Taliban Ralhrang Nih Mizaw Phurhnak Motor Hmang In Bomb An Puah I Mi 95 An Thi

Aung Aung| 2018 January 28| Afghanistan ah mi zaw ceizual phurhnak motor cu Taliban ralhrang pawl nih Niruk ni ah khan bomb motor ah an hman i an puah caah a tlawm bik minung 95 an thi i minung 158 tluk hma an pu tiah theih a si.

Mizaw phurh tawnnak motor pakhat kha Tiliban pawl nih a puak kho mi thilri khat tein an phurh i cuti cun runvennak kutka pakhat an lonh. Cu an luhnak chung ah cun cozah zung, palai zung le si-inn tibantuk pawl an um. Palek hngahmi runvennak kutka an lonh lio ah khan si-inn ah mizaw zual kan kalpi hnik tiah an hlen hna. Kutka pahnihnak an phak bak ah bomb cu an puah.

Cu ni cu anmah nisung lawi bantuk a si ca ah mi chawklet an tam cingling a si. Tubantuk in mizaw phurhnak motor hmang in bomb puah le mi thah cu vawlei cung ram kip Red Cross -ICRC zong nih fih a nung i minung sining he aa tlak lo mi thil tuah ning a si tiin an soisel cio.

Taliban nih hin kan hnu zarh zong ah khan Kabul khuapi chung khual riahnak inn nganpi pakhat an puah i minung 22 an rak thi cang. Ref: BBC Burmese

Leave a Commnet

%d bloggers like this: