Thandaung Ah SAC Ralkap Bomrap An Puah Hnawh Hna, Bo 2 Bawi Telh In 13 An Thi
The Chinland Post | 2023 June 1 — KNU Brigade 2 hmunhma, Thandaung khua, meng 13 ah aa chawk mi SAC ralkap pawl bomrap an puah hnawh hna i Bo 2 bawi telh in 13 an thi tiah PDF-Thandaung nih an thanh.
A luancia May 29 zaanlei sml 5:00pm luan hrawng ah SAC ralkap pawl cu KNLA le dothlennak phu pawl nih Thandaung khua thlaanhmun in an bawh hna i bomrap lung 2 an puah hnawh hna hi a si.
“SAC ralkap pawl mi ngiat ding in an rak i chawh lio ah bomrap lung 2 kan puah hnawh hna i an thi thluahmah. Hliam a tuar mi le a thi mi ruak pawl cu meng 13 SAC ralkap sakhaan ah an phorh hna” tiah KNU Brigade 2 thawngpetu nih Mizzima ah a chim.
Bomrap puah hnawh an ton caah SAC ralkap pawl nih hriamngan an kah thlorh. SAC ralkap nih an kah mi hriamngan ruang ah khuami nu pakhat a khuk ah hliam a tuar i a fapa zong a hnakhaw a hliam tiah theih a si.
About The Author
