Thantlang Chin Miphun Ni Ah Cakei Fim Hmuhsaknak A Um Lai
Salai Elvis| 2019 February 19| Kum 71 nak Thantlang Chin Miphun Ni cu nili hrawng tluk aa duh ah cawlcangh a si nain nuamhnak phunphun le hmuhsaknak phunphun he sunglawi ngai tuah dingin timhtuahnak an ngei cang tiah kan theih.
Febuary 20 ni ah cakei fim hmuhsaknak, Paih, Lai lam, Volleyball, Tannis tuk zuamnak, pingpong tuk, hrihnuh, Chantling tuk, ruapar kai le ngakchia nuamhnak phunphun zong tuah an i tim.
Tukum CND caah ks. sing 80 chuak kho dingin budget an suai i hi tangka cu Committee nih an thiamning in kawl hawl ding le sangchung ah bochan deuh mi, a mi thim in le zungkip hna ah bawmhhal in tuah an timh hi a si. Tutan Chin Miphun Ni a sunlawinak ding caah Sub-committee phu 7 zong an ser tiah kan theih.
Cakei fim timi cu : “Sunparnak ka tuah khawh ve si lo ah mi cungcuan duh (ka ti kho ve ka tuah kho ve, mi zuamcawhnak phun khat a si) an pasal le an nu sal hawi sin ah an min an rak i chal ngam tinak zong a si. Bualrawn ah cakei lu an tar i an laam. Hlan ah cun cakei fim hi an rak i thuam tuk i zoh a dawh cem mi a sunglawi cem mi a rak si” tiah Thantlang khua upa pakhat nih The Chinland Post ah a chim.
Cakei fim cu Thantlang khua Chin Miphun Ni ah an tuah tuk lo mi a si i a luancia kum ah voi hnih thum hrawng an rak tuah bal cang tiah kan theih.
Hika ah Mizo nih Cakei fim an tuah lio photo zoh khawh a si.
About The Author
