Thantlang Khuachung Dawr Chunhlan Tiang Lawng An On Ter Cang Hna Lai; Hmur Aa Hup Mi Lawng Market Thil Cawk Khawh A Si Cang Lai

TCP-Thantlang|16 April 2020| COVID-19 zawtnak i runvennak caah Thantlang khuachung dawr; Eidin, Market, Thilpuan dawr, Lakphak, Sabuti dawr, Phone le Kuva dawr tibantuk hna cu chun hlan tiang lawng on ter dingin April 16 Thantlang COVID-19 runvennak Committee hna nih biachahnak an tuah cang.

Hi an biachahnak chungah sii dawr le sii-khan lawnglawng chun ni tlak on ding le a dangdang dawr paoh cu zinglei suimilam 6:00 in chun 12:00 tiang lawng on ter dingin biachahnak an tuah  hi a si.

Dawr thlaun kip ah hrizam in rikhiah nak an tuah mi: (Photo: Van Zauk Fambawl)

“Hi rikhiah mi caan lawnglawng ah thil nan cawk cang lai. Zanlei suimilam 12 hnu paoh cun dawr khar a si cang lai. Cun Market le thilcawk nan kal tikah hmurhuh (Mask) nan i huh hrimhrim lai. Hmur huh nan i huh lo si cun kir ter nan si lai. Mit hmai kan i zoh lai lo. Market an hringso zuar tu hna zong pe 6 hlat in nan thu cang lai, thil an in cawk tik ah bawm (tawng) tein na pek hna lai, kut in na pe in na hlang hrimhrim lai lo. Mizapi nih zulh phung a herh mi tete zulh khawh dingin i bawm cio hna usih.”tiah Thantlang sipin zung lutlai Pu Van Za Uk nih a mah pumpak facebook ah mizapi sin thawngthanhnak a tuah.

Hi rian cu April 17 ni in an thok lai i Market ah a herh ning in sipin zung riantuan minung chiah in an hngah ter cang lai.

Atubantuk a hlan kan pi in Lakphak ti dawr, rawl dawr le Sabuti dawr hna zong a hmun ah din-ei lo ding le a fun lawngin cawk ding tiah an rak kham cang.

 

Na ruahning rak langhter ve.. (Leave a comment)

%d bloggers like this: