Thantlang Pengthanchonak Caah Nihnih Chung Tonbiaruahnak An Tuah Lai

Thantlang/unknown credit

Salai Elvis|2020 January 29| Thantlang peng a lam kip in an thancho khawhnak hnga ding caah Khuanu/pa tawlrel nak in Febuary 21-22 (ni hnih)chung Thantlang khua ah khuakhan le Lairel nak (Seminar) an tuah lai tiah tuanvo ngeitu sin in kan theih.

Mah ni le caan ah Thantlang peng ramchung/leng in bochan mi hna sawm le Laihlum um mi hna he a lam kip in thanchonak caah ceihhmaiti nak an ngei lai. Khi ni ah cathluan chuahpi tu ding ah Dr. Tluang Za Thang, Dr. Sui Khar, Pu Van Biak Thang, Pu Za Bik, Pu Za Ceu Lian le Pu C. Bawi Mang Lian hna an si lai.

“Ca thluan chuahpi tu ding hna hi an mah nih an duh ning tein an i thim ko lai, Ramleng in sawm mi hna zong minung 100 leng cu kan sawm ko hna i a tlung ding tu cu zeizat an si lai a faing rih lo. A poinak cu ramleng caah cun kan i sawmning hna a tlai tuk le kan duh ningin an tlung bal lai lo. Chin Miphun Ni Thantlang tuah ding ah ramchung/leng i ton dih i a thaizing in Thantlang peng caah thanchonak kong ceihmai tinak ngei kho dingin tawlrel a  si. Khi ni ah minung 150 hrawng tel cu kan si kho te ko lai.” tiah hi kongah tawlrel tu Committee Pu Lawm Bik nih TCP ah a chim.+++

 

Na ruahning rak langhter ve.. (Leave a comment)

%d bloggers like this: