Thi Rat Lio Ah Hrial Dingmi Phun 8

0

City Hunter| 2018 February 28| Nu paoh nih an tonmi thlatin thi ratmi kong ah hngalh hrimhrim a herhmi phun 8 kan hun langhter. Nu pawl thi rat lai ah hormone aa thleng i lungthin daite in a um lo. Thi rat lio hrimhrim ahcun minung hi kan haw a nam caah ihkhun cung ah a zaumi le a itmi an tampi. Cucaah hi bantuk thi rat lio caan cu nidang he aa khah lo caah hrial a herhmi le tuahpiak a herhmi tete an um.

1. Ti I Kholh
Leng chuah lo, innkhan chung ah mizaw bantuk in i hreng hlah. Thianghlimte in um. Ti kholh caan ah ti kholhpiak ko. Thi rat lio ah ti kholh a ngah lo timi ruahpalhnak he thurhnompi in um hlah. Ti i kholh law thianghlim te in umpiak.
2. Ihnak In Tho
Ihnak lawng ah it hlah. Fahnak na tuar ahcun siidin piak khawh a si. Ihnak lawng i na ih le na zau ahcun na rim a nam chinchin lai i nangmah le nangmah naa rem lei lai lo.

3. Rawlchuan Hrialding
Innleng chuah lo in innchung ah rawl ka chuang lai timi ruahnak kha hlaw. A hramthawk te ah thintawi, ngaihchiami na si caah rawl na chuan ahcun intuar a har chinchin. Na khuaruahmi a hmaan lo caah ruahlopi in namte zong naa at kho, naa khawng kho, na rawlchuanmi zong a kaang kho, a thaw lo kho.

4. Exercise Tuah Hrialding
Takpum cawlcanghnak (exercise) tuah hna zong a si khawh chung in hrial ding, tuah lo te in umpiak ah a tha. Na thi rat chung nithum cawlcanghnak tuah lo ruang ah na takpum pound 10 hlei a rit kho fawn lai lo. Thadamte le lungdaite in umpiak tu hi a biapi bik.

5. Inn Rian Pawl
Thi rat lio ah inn rian pawl hrial chung ah a tha. Inn thianhlimh, thil suk in chun nitlak riantuan hi a tha lo. Riantuan liopi i rian lim khawh lo ruang ah thabat thintawi hnu ah rian ngol than tibantuk kha na duh lem lai lo caah a hramthawk in tuan lo te in i dinh ah a tha.

6. Thutnak In Thawh Ti Lo
Ihnak lawng ah it hlah ti a si ruang ah na thutnak thutdan cung lawngte zong ah va thu fawn hlah. Rawlei tidin, tak kholh le lam len tibantuk pawl kha a caanhmaante in tuah i zuam ko.

7. Video Zoh I Ralrin Ding
Ihnak ah ih bu in siseh, thutdan cung i thut bu in siseh, video pawl pakhat hnu pakhat in zoh a si theu, thi rat lio ah hin. Hihi thi rat lio ah tuah awk a si lo, hrial ding a si. Thi rat li ahcun intuarmi (feeling) hi aa thlen a fawi tuk. Ngaihchiatnak, tihphannak tibantuk video pawl na zoh ruang ah na intuarmi kha a fak (a zual) deuh kho. Cucaah, zoh lo te in um khawh hi a tha bik.

8. Bia-al hrialding
Thi rat lio ahcun mahte um ko bu ah thin a tawi i thinhun a fawi tuk. Hi lio caan ah mahte in i uk (control) khawh a hau. Rian chung ah cunglei upa, riantuanti hawi hna he bia i al len khi a tha lo. Cuti bia naa al ahcun mah lila nih tuar than a si caah thi rat lio ah bia i al hi ngandamnak caah a tha lo tuk.
Credit: lwinpyin

About The Author

Na ruahning rak langhter ve.. (Leave a comment)

%d bloggers like this: