May 28, 2024

Trump Nih US Ram Siang Cachim Pawl Meithal Put Ter A Duh Hna

0

TCP-Online| 2018 February 24| US ram sianginn tampi ah mithalo nih meithal in an luhhnawh lengmang hna tikah US President Trump nih cun siang cachim dihlak nih meithal itlaih dih kho hna sehlaw ka duh tiah a chim, hiti a chim hi a voi thumnak a chim cang zong a si.

“Kan ram sianginn pawl rak doh aa tim mi pawl hi kan kham cang a herh. Mah hna kan kham khawhnak ding zong rian kan tuan lai. Cun siang cachim hna zong nih meithal i ken dih kho cio hna sehlaw ka duh” tiah President Trump nih cun cacawn ni nga ni Conservative Conference ah a chim.

Hiti President nih a chim ah hin, siang cachim 20% tel nih cun meithal an i put hau ko tiah a bia a nolh than.

US ram sianginn tampi ah hin tubantuk in misual nih meithal luhhnawh in siangngakchia pawl an thah ti hi a um pah lengmang cang. Nai te February 14 ni zong khan Florida ramkulh Parkland khua Marjory Stoneman Douglas siangsanruun ah misual nih meithla in an luhhnawh hna i siangngakchia minung 17 an thah hna tiah kan theih.

Ref:VOA

About The Author

Na ruahning rak langhter ve.. (Leave a comment)