Tuluk Ram Ah Kai Dingmi Thla Fatin $4000 Pekding Schwarzman Scholarship Sok Khawh A Si

The Chinland Post| 2019 June 19| Tuluk ram Beijing, Tsinghua University ah kai dingmi Master Degree scholarship a si. Ramkip siangngakchia hna caah pekmi scholarship a si i Myanmar siangngakchia ca zong nih sok khawhmi a si.

Khat le khat aa hmuthiammi le aa upat thiammi hruaitu tha chuahnak ding Schwarzman scholarship nih aa hmuitinh.

Scholarship sok khawhmi cu Public Policy, Economics and Business, International Studies tibantuk an si.

Scholarship ah sianginn man, Myanmar ram in Tuluk ram Beijing tiang tlunkalnak man, umthutnak man, cauk man, ngandamnak aa-mah-khan man le thlatin hman dingmi US $4,000 aa tel.

Scholarship sok khawhnak caah sianghleirun pakhat khat in degree pakhat khat a la cang i English thiamnak lei ah TOEFL iBT:100, TOEFL PBT: 6000 asiloah IELTS mark a niambik 7 a ngahmi a si lai.

Hi scholarship a soktu nih mah pumpak kong, mah konglam chimmi Self video (a tlawmbik minute 1), a hmasabik degree laknak sianginn in Professor pahnih hngalhpinak catlap, riantuannak i lutlai pakhat khat hngalhpinak catlap, sianghleirun ah rak hmuhmi mark cazin le degree certificate, mah pumpak tialmi Essay pahnih; Statement of Purpose and Leadership (750 words), Current Affair Essay (up to 500 words) tibantuk rikhiahmi aa tel.

Scholarship cu 2019 kum September 26 ah hika ah http://application.sc.tsinghua.edu.cn/f/ssm/zc/zcregister sok ding a si lai. A dikthliar in hngalh na duh ahcun hika ah https://www.schwarzmanscholars.org/admissions/application/ relchap khawh a si.

 Source: 7 Day News Journal

Leave a Commnet

%d bloggers like this: