2050 Kum Ah Vawleicung Milu 9.7 Billion A Phan Lai
The Chinland Post| 2019 June 19| 2050 kum ah vawleicung milu hi atu lio 7.7billion in 9.7billion tiang an phan lai i hi hnu kum 30 chung ah 2billion an karh lai tiah June 17 chuak UN cathanh ning in theih a si.
2019 kum vawleicung milu ruahdamhmi cathanh ning in vawleicung milu hi 2100 ahcun 11.2 billion tluk in a tambik a phan te lai tiah UN nih an ruahdamh.
Hi cathanh fehtermi ning in vawleicung milu ah ngakchia chuakka thihloh a zor deuhnak le minung chan a sau deuh caah tar an tamdeuh lai tiah theih a si.
2050 kum ahcun kum 65 hrawnghrang hi an hung tamdeuh lai i vawleicung minung 6 ah kum 65 renglo minung pakhat a hung um lai. 2019 kum ah minung 11 ah kum 65 renglo minung pakhat lawng a si nak in a hung karh deuh te lai.
Milu a tlawmtertu ram pawl vawleicung ah an hung karh deuh lai tiah theih a si. 2027 kum ah India ram nih Tuluk ram a lonh lai i vawleicung milu tambik ram a hung si te lai tiah cathanh ahcun an langhter chih.
Ref: Xinhua News, Mizzima
About The Author
