Ukraine ah raltuknak (operation) ka tuah cang lai: Russia President
Post staff| 2022 February 24 — Russia President Putin nih Ukraine ram Donetsk hmunhma ah raltuknak (operation) ka tuah cang lai tiah February 24 ah a thanh.
Russia President Putin nih Ukraine ram in a chuakmi rebels (dohdaltu) pawl cu hnatlakpinak a ngeih lawng si loin Ukraine ram chung i a ummi Donetsk le Lugansk peng hna i luatnak cu Russia nih a theihpinak kong, Rebels (dohdaltu) hruaitu pawl nih Russia sin in raltuknak lei bawmhnak a hal caah raltuknak (operation) ka tuah cang lai tiah a ti. Ukraine ralkap nih a sung pekin hnu an kir hna seh tiah a chim fawn.
Ukraine ram cheukhat ah bom puah thawng theih a si caah Ukraine President zong nih a rampi cu Emergency dirhmun a si tiah a thanh.
American, Britain le vawlei cung ram ṭhawng hna nih Russia President Putin thiltuah hi mi ngiarnak thil tuah a si caah faknak a in te lai tiah ralrin an pek.#
About The Author
