May 21, 2024

US Ralkap A Thimi Ruak N. Korea Nih An Pek Than Hna Lai

0

TCP-Online| 2018 June 24|  1950 kum in 1953 kum tiang Korea ral ruang i a rak thimi US ralkap ruak pawl cu lak ding in ruak kuang 100 cu US cozah nih Korea ramhnih kar ramri ah June 23 ni khan an phakpi cang.

N. Korea cozah zong nih tubantuk in US nih an ralkap ruak pawl lak an timh tikah anmah lei zong in timhlamhnak hna tha tein an rak tuah ve.

Tubantuk in US ralkap ruak pawl US ram lak ding ah hin a luancia June 12 ni US President Trump le N. Korea ram hruaitu Kim Jong Un hna hnatlaknak an rak ngeihnak thawng in a si.

Trump le Kim an i ton hnuah Trump cu VOA nih biahalnak a tuah ah “Kan ram minung tampi nih N. Korea i a thimi ralkap ruak pawl la kho dingin an ka nawl len. Mah cucu Kim he kan i ton tikah ka hal i Kim zong nih lungtlingte in a ka sianh ve”.

US ralkap ruak pawl cu zeitikdah US an phakpi te lai ti cu a fiang rih lo. US cozah le Korea cozah hna i bawm in an kawl len i ruak 200 leng cu an hmuh khawh cang ti theih a si.

Ref:VOA

About The Author

Na ruahning rak langhter ve.. (Leave a comment)

%d bloggers like this: