Vawlei Cung Minung 10 Lakah 9 Nih Thlithur Kan Dawp
Salai Aung Aung| 2018 May 3|Vawleicung minung 10 lakah 9 nih a thurhnommi thli kan dawp i innchung ah a ummi thlithur hi a biapi in a poimi ah a hung can bantuk in mi tam deuh nih ralrin awk ah kan hngalh lomi a si tiah World Health Organization (WHO) nih an chim.
Thli thur ruangah kumtin vawleicung minung nuai 7 (7 millions) lengmang an thi i Asia le Africa bantuk ram pawl ahhin hnonmi minung pawl nih hi harnak hi tambik an ton tiah WHO nih cun an langhter.
Innchung ah khualumnak ca kan hmanmi mei lei thilri pawl, chuankhinnak le mei kan van mi pawl in thli thurhnawm an chuah ter mi ruang in minung nuai 4 lengmang tluk an thi tiah WHO in Dr. Maria Neira nih a chim.
Innchung siseh khualeng a si ah thli a thurhnommi ruang ahhin thluak thari cah, lungtur zawtnak, cuap cancer le taangfah le hrom lei dam lonak tibantuk hi tonmi an si tiah an chim fawn.
Kum fatin minung a nuai in thih lengmang mi thli thur buainak kong hi remhchun nak caah a hmasabik ramkip conference zong Switzerland ram Geneva khuapi ah October ah tuah ding timhtuahnak an ngeihnak kong zong Dr. Neira nih cun a chim.
Ref: VOA
About The Author
