Vice President Mike Pence; 2019 Ah American Taanzung Cu Jerusalem Khuapi Ah Kan Thial Lai

Chinland Post| 2018 January 23| 2019 kumdongh hlan ah Israel kongkau a simi American taanzung (embassy) cu Jerusalem khuapi ah kan thial lai tiah American Vice President Mike Pence nih a chim.

A ralaimi zarhchung ahhin hi taanzung thialnak ding caah an hruaitu lutlai pawl cawisan le sersiamnak kan tuah lai i hmaikum chung ah Jerusalem ah zung kan hun cang lai tiah Israel Senator (hluttaw zung) Knesset ah Mike Pence nih a chim hi a si.

Jerusalem cu Israel ram i khualipi a si i an embassy zung cu Tel Aviv in Jerusalem ah thial ding in President Trump nih nawl a chuah cang. American ramleng vuanci Rex Tillerson nihcun embassy thialnak hi kum saupi a rau lai tiah a rak chim nain atu cu hmaikum kumdongh hlan ah an thial taktak cang lai.

Israel Prime Minister Netanyahu nih hiti bantuk thialkam ding kongkau ah President Trump le Vice President Mike Pence sin ah lunglawmhnak bia a chim. Israel parliament chung ah Araq miphun senator pawl tu nihcun hihi kan dohkalh te lai tiah an chim.
Ref: VOA Burmese

Leave a Commnet

%d bloggers like this: