Vice President Henry Van Thio May 19 Hakha A Phan Lai; Khuanu Khuapa Nih Thil Phunli Hal An Timh

0

Salai Cung Cung| 2018 May 17| Myanmar ram Vice President Henry Van Thio cu May 19 ah Hakah a phan lai. Hakha Khuanu Khuapa nih khua thanchonak caah thil phunli hal an timh tiah tuanvo ngeitu upa sin in kan theih.

“Vice-president Henry Van Thio cu May 19 ah a rak phan lai.Ramkulh zung ah zungkip le Hakha khuanu khuapa tonpumhnak kan ngei lai. Vice President hi kan hal ciami zong a tam i cun a kan pek pah cangmi zong aum caah tutancu thil phunli lawng hal kan timh. Cu hna cu a tanglei pawl hi an si” tiah Pu Ral Kham nih The Chinland Post ah a chim.

1. Specialist Doctor kan hal lai: Tuandeuh ah saya/mah minung 14 a kan pek cang nain hi lawng in a za lo. Specialist Doctor an um lo caah mizaw tampi harnak an tong. Hi ruang ah mizaw zual deuh paoh Kalay, Mandalay ah kalkalpi peng an si. Specialist Doctor hi kan hal peng ko nain an rat duh lo bia maw a si hnga, atu tiang kan hmu kho rih lo. Cucaah, tutan Vice President a rat ahhin Specialist Doctor kan hal lai.

2. Thingahnak Sehzung Le Thing Zuarnak Dawr: Hakha ah thing kan har tuk, thing a zuarmi hi an tlaih lengmang hna.Thing hi kan Laitlang chuak asi ko nain Laitlang ah thingahnak sehzung a um lo, Gangaw le Kalay lawng ah a um. Cucaah, Laitlang chuak thing hi Bungzung asilole Lei-um ah thingahnak sehzung le Hakha ah thing zuarnak dawr/zung tuahpiak ding in kan hal lai. Cun, Kalay ah a ummi thing zuarnak zung hi Hakha ah thialpiak ding in kan hal chih lai. Kan Laitlang ah a chuakmi thing hi kanmah te in kan tawlrel khawhnak ding cozah nih a kan tawlrelpiak ding kan hal lai.

3. Hakhathar hi kat-ta-ya lam phahpiak colh ding in kan hal lai. Bawmhnak a kan pek ciami zong nihin tiang a kan tuahpiak lo caah tuahpiak colh ding in kan hal chih lai.

4. Ma-ha-dat-aa zungthen zong kan hal i Bungzungah a kan pek cang. Ma-ha-dat-aa line lampi cung ah a ummi Hakha peng khua vialte 11KV line in mei pek piak ding in kan hal lai. Tahchunhnak ah Lei-um, Tinam, Lamtuk, Zokhua, Nipi tibantuk khua pawl…

Tutan ahhin Hakha sangthar samhmi ekah 100 le Haithlan ah zaanglekcelhnak sianginn hmunhma zohnak zong a ngei lai tiah tuanvo ngei upa sin in kan theih.+++

Na ruahning rak langhter ve.. (Leave a comment)

%d bloggers like this: