Voikhat Ah Nupi Pahnih Thit Aa Timmi Pupululh Tuanbia Minthang Ronaldinho
TCP-Online| 2018 July 9| Pumpululh vawlei ah a minthang ngaimi Brazil football player Ronaldinho nih Priscilla Coelho le Beatriz Souza timi nu pahnih cu voikhat ah thitumhnak tuah a timhpi hna timi thawngpang nih vawlei a hninh ngai.
Atu hi mah nu pahnih he cun Euro tangkaa nuai 5 in a cawkmi inn tha takmi ah an umti hna ti a si. Ronaldinho nih hin zapi sinah hngalhternak pe tuk lo in a thli in voikhat ah thit a timh hna. Brazil cozah phunghram ah nupi pakhat ngeih bu in a dang nupi ngeih khawh a si lo. Cuti nupi a thimi cu kum 6 chung thong thlak khawh a si.
Cu ruang ah Ronaldinho nih hin an pahnih in voikhat ah thit a timh hna ti a si. Mahti thawngpang a than tikah Ronaldinho i a farnu Deisi nih cun “ka upa nih mah bantuk timhlamhnak a ngeihmi hi cu kan lungtlin pi lo tuk. Nain, ka u hi bia dik lo le biachokvai a rem lo tukmi a si tikah a rauh hlanah cun biafiang zong amah kaa in kan theih te ko lai” tiah Twitter ah a tar.
Hitihin thawngpang a than pah tikah Ronaldinho inn pawng ah a um vemi Brazil hlasak minthang Jorge Vercillo nih cun ‘Ronaldinho te an i thitumh ni ah hin keimah cu Music lei tuanvo zong a latu dih ding ka si’ tiah a chim mi cu Brazil Media hna nih biatakte in ramchung chuak Journal le Social Media kip ah an langhter.
Priscilla le Beatriz timi nu pahnih hi Ronaldinho ngaknu an si tiah a thang ngai nain Ronaldinho lei in cun zei bia hmanh theih an si rih lo. Anmah pahnih hi Brazil ram Belo Horizonte khuasa veve an si. Mah hna pahnih le Ronaldinho cu Party ah hmuh pah lengmang zong an si.
Ref; Yoyarlay
About The Author
