VP Pu Henry Van Thio Nih Thantlang Khua Caah  Bawmhnak A Pek

Salai Elvis| 2018 August 30| Kawlram ramkomh Vice President Pu Henry Van Thio nih Thantlang khua caah cauk, ngandamnak caah aa pehtlai mi (Auto Fitness), pumpululh le Chinlung bawmhnak a kan pek tiah Sipin Committee Chairman Pu Ram Khar nih a chim.

“Zeitindah kan tawlrel lai timi kan ceih rih lo. A sinain cauk le pumpululh (bawlung) te pawl hna cu a tam ko caah Thantlang peng khua cheukhat zong phawtzamh kan timh pah hna. Ngandamnak he aa peh tlai mi (Auto Fitness) hi tuah thum a si i, tuah khat hi ramkulh zaanglek bawi nih a kan hlut mi a si. Tuahhnih hi Vice President hlut mi a si. Tuah hnih cu Thantlang (cu-su-bar-ih) Mini Park ah chiah a si te ko lai. Pa khat hi Tikir khua ah chiah kan timh pah. Amah lungtho tein Thantlang khua caah a kan bawmh mi a si” tiah sipin Committee Chairman Pu Ram Khar nih TCP ah a chim.

A bawmhmi hna thilri hna cu Ngandamnak he aa pehtlaimi Exercise tuahnak (Auto Fitness) tuah hnih le ramkulh zaanglei bawi nih tuah khat. Siangngakchia hna caah Cauk tiallo Dazen (400), pumpululh (bawlung) 30 le Chinlung 20 hna an si.+++

Na ruahning rak langhter ve.. (Leave a comment)

%d bloggers like this: