Yangon Ah Lai Khual-inn Onnak An Tuah
Committee upa hna
Salai CungCung|2019 October 28|Yangon um Lai Chiat that bu tawlrelnak in sak mi Lai Khual-inn dot 3 sang in sak mi cu October 26 Yangon ah hunnak an tuah cang tiah kan theih.
“ Hi inn cu Yangon um Lai Chiat that bu U Tial Ling te nih an tuah mi a si i ramdang, Yangon, Laitlang lei tiin bawmh an hal i an sak mi a si. Hi inn cu mizaw vialte a lak tein dornak caah tiin an sak mi a si. All Chin Society Yangon nih hmun Ekat 4 an ngei i cu hmun ah cun Laitlang lei peng 9 cio hmun pee 100 an hlanh cio hna. A dang pawl cu an sak kho rih hna lo, kan mah Hakha-Thantlang lawng nih kan sak khawh rih. Yangon lei a kalmi mizaw paoh a lak tein tlunkhawh a si cang” tiah Chin ramkulh Sipin Director hlun Pu Thla Hre nih The Chinland Post ah a chim.
Mah Lai Khual-inn hi North Dagon, Anawratha lam le Konebong lamton ah a ummi All Chin Society – Yangon (ACSY) hmunhma chung ah sakmi a si i, a herh ning in hman awk ah timhtuahmi a si. ACSY ah Chin miphun tang ah a ummi miphun 20 hrawng i zatlangbu pawl an i tel hna i cu hna cu mah le miphun hoih in Center i sak cio ding in hmunhma hlanhmi an si tiah kan theih.
