Zophei Paih Ah Bualcotu Mang Ceu Thang Nih Sing 5 A Ngah
Salai Cung Cung |2019 February 10| Chinland Paih Championship (CPC) tawlrelnak in February 9 ah Zophei piah an tuah i Zephai khua in Mang ceu Thang nih bual a co caah tangka Sing 5 (500,000) a ngah tiah kan theih.
“Hi CPC nih kan tuahmi Zophei paih zuamnak ah hin minung 30 an i pai kho i Zeiphai khua in Mang Ceu Thang nih bual a co i laksawng Sing 5 a ngah. Hi paih zuamnak ah hin khuathum an ra kho. Hriphi in khual minung 20 hrawng an ra kho, a paimi hi minung 10 an si. Zeiphai in minung 30 hrawng an ra kho, aa paimi 10, cun Vuangtu in minung 10. Khua khat ah minung 10 cio in an i pai” tiah CPC tuanvo ngeitu Salai Khua Aye nih The Chinland Post ah a chim.
“Hi Zophei paih ah Champion a cotu Mang Ceu Thang cu a ralaimi CPC paih zuamnak ah aa zuam ah cun zuamcawh in an pai te lai” tiah a chim chap.
Hika ah final an i paihnak video zoh khawh a si.
CPC tawlrelnak in tuahmi Zophei paih cu Vuangtu khua ah an tuah i aa paimi khuakhat ah minung 10 cio in an zapi minung 30 an si. Pakhatnak laksawng Sing 5, Pahnihnak Sing 1 le minung pakhat tei ah tangka 10,000 pek an si tiah kan theih.
Photo and video: Salai Lung Thli tum
About The Author
