Vawleicung ah Covid-19 in zawmi nuai hnih a lonh; 120,000 fai an thi cang

Hong Kong hrambunh South China Morning Post nih a luancia sml 7 lio WHO Data "LIVE" in a langhter lio

Vawleicung huap in World Health Organization (WHO) nih zanlei sml 7: 30 (April 14) tiang a langhter mi ah Covid-19 in a zawmi minung dihlak nuai hnih renglo (2,015,433) an phan cang i a thimi dihlak (123,309) an si cang.

Asinain, America hrambunh John Hopkins CSSE nih zanlei sml 4: 00 tiang a langhter ning ahcun vawleicung in a zawmi dihlak 19,25811 le a thimi dihlak 119,818 an si tiah a thanh.

WHO nih April 14, zan sml 7: 30 tiang cazin a langhter mi ah US in zawmi dihlak 662,207 an si i, a thimi dihlak 26,070 an si cang. John Hopkins nih zanlei 4: 00 tiang a langhter ve ning ahcun US in a zawmi dihlak 582,594 le a thimi dihlak 23,649 an si tiah a ti.

WHO zanlei sml 7: 15 tiang langhter ning ah US hi vawleicung ah a zawmi le a thimi an tambik i a changtu ah Spain (a zawmi – 172,541, a thimi – 18,056) Italy (a zawmi – 159,516, a thimi – 20,465), France (a zawmi – 136,779, a thimi – 14,965), Germany (a zawmi – 130,214, a thimi – 3,203) le UK (a zawmi – 88,621, a thimi – 11,329) an phan cang.

Vawleicu huap in a dam thanmi dihlak minung 447,707 an si cang. Asia ram ah Iran hi a thi mi dihlak an tam bik nak a si. A thimi dihlak 4,683 an phan i a zawmi dihlak 74,877 an tiah tiah WHO nih a langhter.

Nihin tiang Kawlram zong a zaw mi dihlak 62, a thimi minung pali le a dam thanmi pahnih an si.

Na ruahning rak langhter ve.. (Leave a comment)

%d bloggers like this: