2018-2019 Kum Chin Ramkulh Tangka Hmannak Kong Fianternak An Tuah
Salai Elvis| 2019 March 12| March 12, Hakha Townhall, ah 2018-2019 budget kum tangka buaktlak in hmuhmi le hmannak kong fianternak an tuah tiah kan theih.
Renaissance Institute Director U Soe Win nih Chin ramkulh 2018-2019 budget fianternak an tuah hnawh channak kong, a tu tan hi a voikhatnak an tuahnak kong, hmailei zongah pehzulh in tuah an timhnak kong a chim.
Director U Thein Win nih Chin ramkulh Citizen’s Budget kongah 2016-2017 , 2017-2018 kum le 2018 Mini budget kongkau a tu bantuk in fianternak tuah timh a si ko nain relrem lo nak a um lonak kong le 2018-2019 Budget kum lawng fianter a si nak kong, hi kum khat chung tangka hmuh mi le hmannak kong fianternak a ngeih hnu ah fian lo mi biahalnak le bialehnak zong an ngei hna.
Hi kong fianternak cu Renaissance Institute le ramkulh Budget tlaitu hna i bawm in an tuah hi a si. Mah ni ah Chief Minister Salai Lian Luai, Hluttaw Speaker Pu Zo Bawi le vuanci dangdang nih an tel pi hna pin ah Huttaw palai, NGO, CSO le a dangdang zong an tel. CM Salai Lian Luai le Pu Zo Bawi nih biacah chimnak an ngeih hna hnu ah Minister Pu Vui Kaw nih donghnak bia cah a chim.
2018-2019 Budget kum ah Chin ramkulh cozah nih rampi budget a hmanmi 110000 million le ramkulh budget ahmanmi 110,000 million, a zapi a hmanmi hi 210000 million renglo a si tiah kan theih.
About The Author
